Монголд байхдаа эмнэлэгт үзүүлэхээс өгсүүлээд хэвтэж эмчлүүлэх хүртэл ай даа ихээхэн зовлон амсдагсан. Анх очоод л хүлээлгэ гээчийн айхтар зүйлийг даваад л ааш муутайхан эмчийн ааштай тулгарна. Хөнгөхөн шиг өвчинтэй бол хэдэн эм бичүүлж аваад л сална. Хүндхэн өвчинтэй бол хагалгаанд ороод эмнэлэгт хэвтэх хэрэг гарна. Хэхэ өөрийнхөө нэг тохиолдлоос яръя л даа.

2 курсэд сурч байсан юмдаг. Улс тунхагласаны өдрийн өмнөх өдөр нь найз охин Баскатайгаа сургуулийнхаа урд талын нэгэн кафе-д суугаад ганц 2 хундага вино шимэнгээ өндөгний салат идээд л.... Удахгүй 2 тийш салаад гэртээ хариад унтах гэтэл гэдэс базлаад л өвдөөд л гүйлгээд л бөөлжөөд л тэрүүгээр л нэг юм боллоо. Шөнөжин унтаж чадахгүй ОО гэдэг алдарт айл руу гүйлгэсээр чүү амай гэж өглөөний 8 цаг хүргэлээ шүү. Амихандаа шөнө ч бас ТҮРГЭН болон  ЭМНЭЛЭГ ажиллахгүй байх гэж бодсоор дуудлага өгч чадахгүй гүрийсэн нь тэр. Түргэн ч ирлээ. наадах чинь олгой байна. Бушуухан эмнэлэг орж үзүүлээд хагалгаанд орохгүй бол болохгүй нь. Эндээс эмнэлэг хүртэл өөрөө явж чадах уу? гэж байна.
Би ч яахав үгийн шазруун гүргэр юм болохоороо өө чаднаа л гээд авчихлаа. Тэгээд л хэдэн дүү нараараа туслуулаад л такси бариад л эмнэлэгийн зүг гэлдэрлээ дээ. Ах руугаа ярьж бушуу түргэн ир гэж захиргаадчихаад эмнэлэгтээ хүрлээ. Ах ч бас хүрээд ирлээ. Эмч үзээд л олгой байна одоо шууд хагалгаанд орно элдвийн юм идэж уугаагүй биз гэнэ. Тэгээд л хагалгаанд орох боллоо. Хамаатныхан маань цуглачихсан. Тэгээд л хагалгааний өрөө орсон чинь хагалгааны туслах эмч бололтой.
- За одоо нугасаар нь тариа хийнэ шүү за юу. Тарианы мөнгө 6000. Гэрийнхнээс нь хүн байгаа юу? гээд л гараад явсан юм. Төд удалгүй нэг ааш болсон хүн орж ирээд шууд бүтэн норкозддог байна шдэ. Би бүр гайхасхийгээд л унтчихвоо.

Тэгээд л сэргэлээ. Ухаан орлоо. Аймар өлсөж байгаагаа мэдэрч байна. Хоол нэхсээр жаахан юм идээд л хагалгаанд орохын өмнөх бодогдов. Гэнэт юу болсон юм бол??
Эгч маань өөрөө эмч хүн юм болохоороо юун мөнгө нэхээд байгаа юм гээд л загначихсан юм болов уу?? Ай мэдэхгүй. Ямар ч байсан нэг хагалгаанд орчихлоо. Төд удалгүй босч яв, алх гээд л загнаад байгаа нь мэдэгдэхгүй угаасаа тийм юмуу мээдэхгүй муухай аашлаад л.... Тэгээд л 2 хоноод л гарсан даа. Гэтэл энэ СОЛОНГОСТ:

Баахан инээмсэглэсэн л хүн. Ямар нэгэн эмчилгээ энэ тэрээ хийхээсээ өмнө заавал асууна. Өвчтний өрөөнд өвчтний зүгээс ирсэн хэн ч байсан чөлөөтэй нэвтрэх боломжтой. Бас хоноод явсан ч болно. Ямар ч хориг саад юу ч байхгүй. Нэг ёсондоо дэндүү чөлөөтэй гэх үү дээ. Харин Монголд бол адаглаад зөвшөөрөл аваад орохоор боллоо гэхэд л халат энэ тэр гээд л бас зовлон бий шүү тиймээ.  Энд бол тэр өвчтөнийг эмнэлэгээс гарах хүртэл нь хамт унтаад хооллоод байж болно. Эмнэлэгээсээ гараад хаагуур ч тэнэсэн болно. Дуслаа бариад л. Та бүхэн магадгүй кинон дээрээс их хараа байлгүй дээ. Дусал өлгөсөн шонгоо бариад л явж байдагийг. Өө тийм бас өрөө нь бас үнийн ялгаатай. Нэгээс 8 хүний өрөө бий. Нэг хүний өрөө бол зүгээр л лүкс. 4,5,6,7,8 нь Монголтой адилхан. За даа нээрээ юу ярих гээд юу яриад явчихав даа. Толгой гэж олгой болж дээ хэхэ.